بيقولوا البنات انهم النص الحلو فى الدنيا لاى اعتبار من الاعتبارات
و لكن اللى بشوفه ان فيه واقع خلاني اغير الحقيقة دى صحيح انى بنت وبتكلم كدة على البنات و لكن كلامى مىخصش كل البنات ولكن الغالبية الاكبر منهم , ودة لاسباب منها:
ان البنات بقوا يغيروا من بعض و يحقدوا و يتكلموا على بعض , مش بس كدة دى البنت ممكن تصحى من النوم تلاقى الناس بيقولوا عليها كلام يشوه مظهرها و الكلام دة ميكونش حصل و تدور البنت على المصدر الحقيقى للخبر اللى طلع عليها تلاقيها بنت زيها او ممكن تكون صاحبتها.يا بنات انا بقول الكلام دة عشان انا بحب البنات و بحترمهم ولكنى مؤخرا فوجات بنماذج للبنات المنافقين اللى بيشوهوا مظهر بعض بينهم و بين بعضهم او امام الجنس الاخر .ومن ناحية تانية بلاقي ان البنت ممكن تبىع صاحبتها بسبب الجنس الاخر و السؤال للبنت اللي بتعمل كدة بقوللها ليه؟ انتي عارفة انى سمعت من الجنس الاخر اراء على البنات اللى يقول لصاحبه (يا صاحبي انا واخد البنت تسلية ولما افكر اتجوز تبقي واحدة مبكلمهاش)واللى يقول (انا اخسر البنت بتاعتي ولا انى اخسر صاحبي).وانا احب اقوللهم شوفوا نفسكم وبطلوا كلام عن البنات و زي ما المثل بيقول اللي على راسه باطحة...... و انتوا عارفين التكملة.
وفى النهاية احب اقول لصديقاتي البنات حبوا بعض و اسمعوا بعض و لا تميلوا ابدا للجنس الاخر و تبقى علاقتكم بيهم سطحية فلا ثقة فى ولد و لا داعي لان نبقي لعبة بيلعبوها او يتسلوا بيها.اتمنى تكون رسالتى وضحت ليكم يا عزيزاتى مع اعتذاري للبنات و الولاد المحترمىن و كل عيد حب و انتم بخير