انقاذ ما يمكن انقاذه

خلينا نبعد شوية عن جو الكلية والدراسه ونروح لاحلى حاجة في الكلية .....الرحلات.

واحلى رحلات هيّ اللي نقعد فيها مع بعض وناكل .......... مممممممممم ناكل قولتيلي

طبعا كل بنوتة في الكلية تهتم جدا بمظهرها قدام البشر اللي قاعدة تاكل معاهم.......وطبعا لأن البشر اللي ف كليتنا بيتبعوا نظام (كل ما تصل اليه يداك تاكله..........احم وانا منهم برضه )

حابه اعرفكم موضوع هيساعدكو شويه في انقاذ ما يمكن انقاذه

اول شئ

الشوكة والسكينة

لازم تعرفي الله يخليكي

الشوكة تتمسك من ايدها من الطرف .. مش من الوسط ولا من البوز

وبطلي افلام الرعب الي بتشوفيهم .. مش خنجر هو

2

:: الخبز ::

متفضحيناش دلوقت وتقطعيه باسنانك

!! و لا تقطعيه نصين بايديكي وكل نص وابلع .. اوعي

الخبز بتقطع بالسكينة في الطبق .. وبعدين تاخدها لقمة لقمة وتاكليها بالعافية

!! قال يعني نفسك مسدودة

واضغطي على اعصابك شوي لحد ما تروحي بيتكم وهناك خدي راحتك زي ما انتي عايزة

3

:: الشوربة ::

أبوس كعب رجلك .. البند ده مهم جدا

الشوربة تتشرب من غير صوت خالص . ومن غير ما تقعدي تنفخي فيها

!! زي القهوجي الي بنفخ الحجر للزبون

اهم شي بالملعقة وبدون صوت .. في الغالب بتكون سخنة، مولعة، برضه بدون صوت

ومتنسيش تسيبي تلت الطبق مليان

ومتميلهوش ع طرفه وتلعبي حبشة مع أخر نقطة في الطبق

4

:: الرز ::
الرز طبعا يتاكل بالشوكة

إوعك تمدي ايدك ع المعلقة وتغرفي من الطبق وتعبّي !! إوعي

الرز بالشوكة .. وكأنك بتبوسيه مش بتاكليه

5

:: المكرونة الاسباجيتي ::

برضه بالشوكة .. تتلف على طرف الشوكة

لحد ما تخلص وبعدين في تمك في هدوء ومن سكات

مش تشفطيلنا المكرونة عود عود

6

:: السمك ::
هو السمك مشكلة شوي

ركزي معي لتعرفي كيف تفصلي اللحم عن الشوك

بتقطعي اللحم من النص بالطول .. وبعدين افردي اللحم ع الناحيتين

وبس تخلصي ناحية متقلبيش السمكة .. بلاش فضايح

شيلي السلسلة بالشوكة والسكينة وحطيها في جنب الطبق

وكملي النص التاني

ولا اقولك .. بلاها الفيلم الهندي دا كله

بلاها اكلة السمك .. قولي ما بحبش السمك وارتاحي

7

:: الجمبري ::

اذا بتعرفيه يعني

اول ما ينزل صحن الجمبري .. بصّيله كدا من تحت لتحت

قال يعني زهقانة من كتر اكل الجمبري الجامبو في بيت الحج

الله يخليهولك .. واتنهدي بصوت كدة وقولي

هو انت تاني يا جمبري .. انت ورايا ورايا

و تروحي قاطعة راس الجمبري بالشوكة .. بليز انا في عرضك

انسي المصمصة في الجمبري خصوصا

8

:: البطاطس ::

سواء مسلوقة ولا محمرة

لا تهرسيها وترميها ع صحن الرز وتلغّي .. لا كدا غلط

بالشوكة وشوي شوي زي ما تكوني راح تبكي من كتر ما

البطاطس صعبانة عليكي يا عيني

9

:: الفاكهة ::

لو الفاكهة فيها بزر .. بتطلعيه من بقك بشويش

وتحطيه بايديكي وهي مقفولة .. و في طفاية السجاير الي ع الطاولة

وانسي نظام التفتفة .. مش وقته

10

:: النهاية ::
بس تخلصي أكل

تحطي ايدك ع بطنك -اللي عصافيرها بتزمّر من العينات الي شميتيهم

وتقولي مش قادرة ، مش ممكن .. اول مرة اكل بفجع كده

قدامي اسبوع مش هاقرّب للأكل

وبعدين تمسكي الفوطة اللي دايما محطوطة ع الطاولة

بلا اهمية وتبوسيها .. قال يعني بتمسحي بقك

وبعدين استأذني عشان تعدّلي هندامك.. وتروحي التواليت

وطّلعي من شنطة ايديكي ساندويتش طعميه و شوية زيتون وفجل بصل وقرن فلفل .. وبالهنا والشفا

منقول Laughing

اتمنى الموضوع مفيد